Redaksi | Pedoman Media Siber | Disclamair | Kontak
PAJOMPOK-JOMPOK PANJOUON TU TUTUR

Redaksi
Senin, 15 Jun 2020 12:00 WIB | dilihat: 12988 kali

Pekanbaru-DISURA roha, torop sian angka hata natahatahon ditingki on, ra indang apala songon i hian panghatahononna. Ra, na morot ma i nanget-nanget mangihuthon inganan dohot partingkian uju manghatahonsa. Mulana i, sala manghatahon ala sala umbege. Isarana hata UMBAHEN, morot pandohanna gabe IMBAN, ra mulana i na sala manghatahon do.

Nuaeng on, pulik sian angka hata na morot pandohanna, isarana hata NAENG gabe NAING, ALAI gabe ALE, MOLO gabe BOLO, PINTOR gabe MINTOR, adong marpiga-piga hata panjouon tu tutur na jotjot dipajompok-jompok.

Disura roha, bolas do i gabe panjouon na so pola lipe haduan di zaman na naeng ro. Biar do roha molo masa angka i. Ai laos i nama dalan parpunu dohot parpidom ni panjouon na polin.

Alani i, aut bolas iba marpangidoan, pulik sian na mangargahon hata, ugari dohot adat Batak, huhut ma nian hita mangargahon panjouon na polin i tu angka tuturta (disurathon dohot dijouhon). Laos dohot ma nian tu angka ianakhonta taajarhon angka i.

Angka on ma panjouon na somal dijouhon/disurathon i 

Namboru - Bou

Amang Boru - Ambo -Ambor    

Nantulang - Nantul

Tulang - Lang,Tul

Inongtua - Omaktua/Amongtua - Bapatua - Tua

Inonguda - Nangud

Amonguda - Bapa uda - Uda (abang di hata Minang)

Ompung - Pung

Inang Tua - InangTu

Pariban  - Iban - Ban     

Eda - Dak

Ito - Tok

Dohot angka na asing.

+Pak Maria

 

Rup paulihon ma hita.mauliate

ᯀᯔᯬ᯲ᯅᯘ᯲ᯇᯮᯀᯎᯞ



Rekomendasi untuk Anda


Connect With Us





Copyright © 2015 riaubangkit
All right reserved